«Мектебім-мейірім мекені!»

2024-2025 оқу жылының 1-қыркүйек Білім күніне арналған «Мектебім-мейірім мекені!» атты салтанатты жиын  өтті. Салтанатты шарада мектеп директоры Мусанов Ернар Жауынбайұлы барлық ұстаздар қауымын және мектеп табалдырығын алғаш аттаған 1- сынып оқушыларын 1-қыркүйек Білім күнімен, дәстүрлі жаңа оқу жылының басталу салтанатымен құттықтап, жаңа оқу жылына сәттілік тіледі. Мектеп табалдырығын тұңғыш аттаған жаңа өмірге қадам жасаған жас бүлдіршіндер үшін ерекше күн болды. Балғын балалықпен қош айтысып, мектеп табалдырығын имене аттаған жас бүлдіршіндер салтанатты жиын барысында ән айтып, өлең шумақтарын тарту етті. Салтанатты іс-шараға қонақ ретінде Жетісу облысы Дене тәрбиесі, спорт, алғашқы әскери дайындығы және қосымша білім берудің ғылыми-тәжірибелік орталығының дене шынықтыру оқу-әдістемелік бөлімінің  жетекшісі Абжаков Асхад Дүйсенбекович және Өтенай ауылдық округінің әкімінің орынбасары Маулен Дүйсенханович  келіп оқушыларға ізгі тілектерін білдірді.