"Оқу-зерттеу мақсаты"
2023 жылдың 18 қаңтарында «Оқыту платформаларын, ресурстарын қолдану арқылы білім алушылардың пәнге деген қызығушылығын арттыру» атты зерттеу тақырыбы аясында Сейсембай Талғат Тұрарбекұлы 5 «Ә» сыныбында қазақ тілі пәнінен «Байқоңыр. Зат есім. Жалпы, жалқы, деректі, дерексіз зат есімдер» тақырыбында зерттеу сабағын өткізді. Мұғалім әмбебап құрал болып табылатын «Padlet» тақтасын сабақта шеберлікпен қолданды. «Padlet» тақтасы арқылы домтапсырмасын тексеруде, сабақ мақсатына орай тапсырмаларды орындатуда, кері байланыс жасауда «Wordwall», «LearningApps» платформаларын тиімді қолдана алды.
Зерттеу сабағының нәтижесі интернет ресурстарын ұтымды қолдану арқылы білім алушыларды қазіргі білім беру талаптарына сәйкес ақпараттық қоғам жағдайына бейімдеуге және білім алушылардың пәнге деген қызығушылығын арттыруға болатындығын көрсетті.
